ट्रिपल सीट जाताना ट्रॅफिक पोलिसांनी थांबवण्याचा प्रयत्न केला असता उलट त्यांच्या अंगावर धावून जाऊन त्यांच्या शर्टाची कॉलर पकडून ब्लेडने हल्ला करून जखमी केल्याप्रकरणी तिघांवर शासकीय कामात अडथळा आणल्या प्रकरणी गुन्हा दाखल करण्यात आला आहे.
पोकॉ बालाजी लक्ष्मण भंडारवाडा, नेमणूक शहर वाहतूक शाखा उत्तर विभाग सोलापूर यांनी दिलेल्या फिर्यादीवरून संतोष संजय कांबळे, वय ३९ वर्षे, मल्हारी सतिष काळे, वय- २७ वर्षे, जय गल्हार चौक बुधवार पेठ व रोहित परमेश्वर कांबळे वय-२९ वर्षे जय मल्हार चौक सोलापूर या तिघांविरुद्ध जनरल पोलीस ठाण्यात गुन्हा दाखल करण्यात आला आहे.
फिर्यादीत म्हटले आहे की, फिर्यादी हे वाहतूक नियमनचे सरकारी कर्तव्य करीत असताना यातील वरील आरोपीत हे त्यांचेकडील मो. सायकल क्र. एमएच १३ ई एल ९५२२ वरून ट्रिपल सिट मार्केड यार्ड येथील गर्दीत पुणे रोडकडे जात असताना त्यांना थांबण्याचा इशारा केला असता ते न थांबता पुढे जात असताना त्यांना आम्ही थांबवून तुम्ही पोलीसांनी दिलेल्या आदेशाचे उल्लघन का करत नाही अशी विचारणा केली. तेव्हा ते लोक मला अरेरावी करीत फिर्यादीच्या अंगावर धावून येवून फिर्यादीच्या वर्दीच्या शर्टची कॉलर पकडून तुला बघुन घेतो असे म्हणून त्यातील संतोष कांबळे यांने दारूच्या नशेत त्याचे खिशातील ब्लेड काढून स्वताहून त्याचे डाव्या हातावर ब्लेडने वार करून स्वता जखमी होवून मी करीत असलेल्या सरकारी कर्तव्यात अडथळा आणला आहे. तपास फौजदार डेरे करीत आहेत.
0 Comments