उर्मिला मातोंडकर यांच्या हाती शिवबंधन

अभिनेत्री उर्मिला मातोंडकर अखेर शिवसेनेत प्रवेश केला आहे. मुख्यमंत्री उद्धव ठाकरे यांच्या उपस्थितीत त्यांच्या 'मातोश्री' या निवासस्थानी रश्मी ठाकरे यांनी उर्मिला मातोंडकर यांना हातावर शिवबंधन बांधलं.

यावेळी पर्यावरण मंत्री आदित्य ठाकरे आणि शिवसेना सचिव आदेश बांदेकर हे देखील उपस्थित होते. त्यानंतर दुपारी चार वाजता पत्रकार परिषदेत उर्मिला मातोंडकर आपली भूमिका स्पष्ट करणार आहेत.  आता शिवसेना उर्मिला मातोंडकर यांच्यावर कोणती जबाबदारी सोपवणार याची उत्सुकता आहे. 

महत्त्वाचं म्हणजे विधानपरिषदेच्या राज्यपालनियुक्त १२ सदस्यांमध्ये शिवसेनेने आपल्या कोट्यातून उर्मिला मातोंडकर यांना आधीच उमेदवारी दिली आहे.